Rannsóknarmiðstöð skapandi greina
Rannsóknarmiðstöðin tengir fræðimenn á sviði menningar, sköpunar og viðskipta við þátttakendur í skapandi greinum, og endurspeglast þessi tenging í stjórn stofnunarinnar.
Rannsóknarmiðstöðin er vettvangur rannsókna á menningu og sköpun innan viðskiptafræða og eru markmið miðstöðvarinnar eftirfarandi:
- Að rannsaka og efla skilning á menningu og sköpun í hagrænum skilningi.
- Að stuðla að þekkingu á umhverfi menningar og sköpunar, og hlutverki þess í eflingu skapandi greina.
- Að efla þekkingu á hlutverki og umfangi menningar og sköpunar í íslensku samfélagi.
Leitast verður við að uppfylla þessi markmið með rannsóknum starfsmanna og nemenda HÍ auk rannsókna í samstarfi við fræðimenn og fulltrúa skapandi greina, bæði innanlands og utan.
Forsvarsmaður
 |
Margrét Sigrún Sigurðardóttir | Prófessor | 5254445 | mss [hjá] hi.is |
Stjórn Rannsóknarmiðstöðvar skapandi greina er skipuð fimm einstaklingum sem kosnir eru á aðalfundi. Stjórnin er skipuð til fjögurra ára í senn. Stjórnin skal skipuð fagaðilum innan skapandi greina. Stjórnin er í dag skipuð:
- Björg Stefánsdóttir – Kynningarmiðstöð Íslenskrar myndlistar
- Hilmar Sigurðsson – Kvikmyndaframleiðandi
- Margrét Sigrún Sigurðardóttir, Viðskiptafræðideild HÍ
- Ólöf Gerður Sigfúsdóttir – Listaháskóla Íslands
- Sigtryggur Baldursson – Útón
Skapandi greinar er íslensk þýðing á hugtakinu Creative industries, sem í grófum dráttum vísar til þeirrar atvinnu eða iðngreina sem byggja á hinum hefðbundnum listgreinum (Caves,2000). Nákvæmari skilgreiningar á skapandi atvinnugreinum gera yfirleitt tilraun til þess að fastsetja hvaða greinar þetta eru og eru þær skilgreiningar misjafnar.
Ólíkt menningarhagfræði, hafa rannsóknir á skapandi greinum ekki miðað að því að réttlæta opinbera styrki til menningar, heldur hefur umfjöllunin gengið út frá þeirri forsendu að skapandi greinar eigi að skoða á sama hátt og aðrar atvinnugreinar.
Þó að skapandi greinar séu á margan hátt ólíkar hefðbundnum atvinnugreinum eru þær engu að síður atvinnu- og tekjuskapandi.
Rannsóknir á skapandi greinum hafa oft miðað að því að kortleggja umfang og skipulag skapandi greina, og þá sérstaklega í þeim breytingum sem hafa orðið á dreifingarleiðum í tónlistar- og kvikmyndaiðnaði og bókaútgáfu.
- Stuðningsumhverfi skapandi greina – 2012
Skýrsla unnin við atvinnuvegaráðuneytið (óbirt)
